Provincial SPES Orientation successfully conducted for student beneficiaries (July 1, 2026)

Published date: Jul 1, 2026

Patuloy na pinalalawak ang mga programang nagbibigay ng oportunidad sa kabataan sa pamamagitan ng Provincial Special Program for Employment of Students (SPES). Mahigit 3,000 benepisyaryong estudyante mula sa iba't ibang bayan at lungsod ng Laguna ang dumalo sa isinagawang oryentasyon nitong Hulyo 1, 2026 (Miyerkules) sa CPP Memorial Stadium and Evacuation Center bilang paghahanda sa kanilang pansamantalang trabaho.

Pinangunahan ang programa ng Pamahalaang Panlalawigan ng Laguna sa pamumuno ni Governor Sol Aragones, katuwang ang mga lokal na pamahalaan, kabilang ang Pamahalaang Bayan ng Los Baños sa pangunguna ni Hon. Mayor Neil Andrew N. Nocon, sa pamamagitan ng PESO Laguna at PESO Los Baños. Nagbigay ng opening remarks si PESO Laguna Department Head Mary Jane Corcuera, na sinundan ng mga talakayan ukol sa work orientation, SPES rules and regulations, parental consent requirements, at work ethics na pinangunahan ni Engr. Rodson Del Mundo. Nagbahagi rin ng mensahe sina Governor Sol Aragones at Mayor Neil Andrew N. Nocon bilang pagpapakita ng suporta sa mga kabataang benepisyaryo. Sa pamamagitan ng SPES, patuloy na binibigyan ng pagkakataon ang mga estudyante na makakuha ng mahalagang karanasan sa trabaho habang natutulungan silang maipagpatuloy ang kanilang pag-aaral.

#ProvincialSPESorientation

#SpecialProgramForEmploymentOfStudents

#PamahalaangPanlalawiganNgLaguna

#PublicEmploymentServiceOffice

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/PIO-MGLB

271 Total Views