GOVPH

×

Isang gabi ng malikhaing kultura at musika ang inihandog ng “Habi at Himig sa Los Baños” nitong Hunyo 19, 2026 (Biyernes) sa Municipal Activity Area. Pinangasiwaan ito ng Pamahalaang Bayan ng Los Baños sa ilalim ng pamumuno ni Hon. Mayor Neil Andrew N. Nocon, sa pamamagitan ng Committee on Science and Technology ng Sangguniang Bayan na pinangungunahan ni Konsehala Muriel Laisa “Mec” B. Dizon, katuwang sina Queensehala Leren Mae B. Bautista, Konsehala Myla Alinsunurin, at SK Federation President Samantha Nicole Banasihan-Ortega, kasama ang DOST–Philippine Textile Research Institute (DOST-PTRI) at DOST–Forest Products Research and Development Institute (DOST-FPRDI). Nakiisa rin sa pagpapatupad ng programa ang Gender and Development Office (GAD) sa pangunguna ni Ms. Karen Lagat-Mercado at ang Municipal Tourism Office sa pangunguna ni Ms. Edmarie Calungsod.

Tampok sa gabi ang engrandeng fashion show ng mga kasuotang yari sa Philippine Tropical Fabrics ng DOST-PTRI kabilang ang likha ni LB Designer Ms. Solidad Villanueva na iminodelo ng ating butihing LGU Officials na sila Hon. Mayor Neil Andrew N. Nocon, Hon. Vice Mayor PJ Alipon, Hon. Aldous Amiel B. Perez, Hon. Muriel Laisa B. Dizon, Hon. Leren Mae M. Bautista, Hon. Councilor Rand Edouard R. De Jesus, Hon. Councilor Myla E. Alinsunurin, at Hon. Councilor Jay G. Rolusta. Kasabay ng kanilang pagrampa, naghatid ang Himig Agham Kawayan ng DOST-FPRDI ng mga natatanging pagtatanghal gamit ang mga instrumentong kawayan, na lalo pang nagbigay-buhay sa programa.

Inirampa rin ng mga lokal na modelo ang "Loom Project" ng Davao Fashion Design Council, "Habang panahon" ng Central Luzon State University, "Flora De Corales" ng iACADEMY, "Rayo de Luces Guia" ng Eulogio "Amang" Rodriguez Institute of Science and Technology, "Paghinumdom sa mga Adlaw" ng University of the Philippines Cebu, at ang kahali-halinang "East of Eden Collection".

Nagbigay-pagbati rin si Hon. Mayor Neil Andrew N. Nocon, kasunod ang mga mensahe nina Dr. Leah J. Buendia ng Department of Science and Technology (DOST), Dr. Julius L. Leano, Jr. ng DOST–Philippine Textile Research Institute (DOST-PTRI), Dr. Rico J. Cabangon ng DOST–Forest Products Research and Development Institute (DOST-FPRDI), at Hon. Muriel Laisa B. Dizon, Chairperson ng Committee on Science and Technology ng Sangguniang Bayan ng Los Baños. Nagbahagi rin ng inspirasyonal na mensahe si Dr. Renato U. Solidum Jr., Kalihim ng DOST, hinggil sa papel ng agham at teknolohiya sa pagpapaunlad ng lokal na industriya at pambansang identidad.

Kabilang sa mga sumuporta sa programa sina Dr. Ma. Teresa De Guzman, DOST Assistant Secretary for Countryside Development; Dir. Reynaldo V. Ebora; Ms. Emelita Bagsit, DOST Regional Director; at Ms. Virma Rhea G. Lee ng Institute of Plant Breeding–UPLB. Dumalo rin ang mga kinatawan mula sa Liga ng mga Barangay, SK Federation, mga samahan ng magsasaka, FARMC, MGLB Department and Unit Heads, mga kawani ng pamahalaan, at iba pang sektor bilang pakikiisa sa pagtataguyod ng agham, kultura, at inobasyon sa bayan ng Los Baños.

#HabiAtHimigSaLosBaños

#PhilippineTropicalFabrics

#HimigAghamKawayan

#DOSTPTRI

#DOSTFPRDI

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/PIO-MGLB