Mayor Neil Nocon highlighted LGU-Academe Partnerships at UPLB Public Service Day 2026 (June 18, 2026)

Published date: Jun 18, 2026

Ibinahagi ni Hon. Mayor Neil Andrew N. Nocon, ang mga matagumpay na programa at inisyatiba ng Pamahalaang Bayan sa ginanap na UP Public Service Day 2026 na may temang “Serbisyong Pampubliko: Galing UPLB, Galing UPLB” noong Hunyo 18, 2026 (Huwebes) sa University of the Philippines Los Baños (UPLB). Bilang isa sa mga pangunahing tagapagsalita sa sesyong “Partnerships for and with Communities: An LGU Perspective,” binigyang-diin ni Mayor Nocon ang kahalagahan ng pakikipagtuwang ng lokal na pamahalaan, akademya, at iba’t ibang sektor sa pagsusulong ng mga programang pangkaunlaran.

Nagkaroon rin ng isang mainit na Fireside Chat kasama sina Mr. Augustus Franco B. Jamias ng UPLB College of Agriculture and Food Science; Asst. Prof. Jeselyn Lapitan-Constante ng UPLB College of Veterinary Medicine; Dr. Rico C. Ancog, President ng Confed, Coalition for Agriculture Modernization in the Philippines, Inc.; Mr. Earl Justin M. Cabtos, Pangulo ng Association of Filipino Forestry Students UPLB; at Ms. Erlene A. Delgado, Supervising Administrative Officer ng Municipal Agriculture Office at LGU Local Economic Development and Investment Promotions Officer. Pinangunahan naman ang programa nina Dr. Jose V. Camacho, Jr., Chancellor ng UPLB; Atty. Eric Paul D. Peralta, Vice Chancellor for Community Affairs; at Dr. Benevieve D. Villanueva, Chair ng Public Service Committee at Assistant to the Vice Chancellor for Community Affairs.

Bilang pagkilala sa kanyang natatanging ambag bilang tagapagtaguyod ng mabuting pamamahala at makabuluhang pakikipag-ugnayan sa bayan, iginawad kay Mayor Neil Andrew N. Nocon ang isang Plaque of Appreciation. Ang kanyang mahalagang pagbabahagi ay nagsilbing inspirasyon sa pagpapatibay ng mga matibay na pagtutulungan ng lokal na pamahalaan, akademya, at mamamayan tungo sa mas sustenable at matatag na pamayanan.

#UPPublicServiceDay2026

#SerbisyongPampubliko

#GalingUPLBGalingUPLB

#PartnershipsForAndWithCommunities

#MunicipalityOfLosBaños

#SerbisyongDiretsoSaTao

#AbanteLosBaños

via CJSA/PIO-MGLB

276 Total Views