Abante Kabataan, Abante sa Kaalaman: supporting education through school supplies distribution continued (June 9, 2026)
Patuloy na isinusulong ng Pamahalaang Bayan ng Los Baños ang programang “Abante Kabataan, Abante sa Kaalaman School Supplies Distribution 2026” sa pamamagitan ng pamamahagi ng school supplies para sa mga mag-aaral ng Pre-Elementary at Grade 1 nitong Hunyo 9, 2026 (Martes) sa Mayondon Elementary School, Malinta Elementary School, at Bambang Elementary School. Ang programang ito ay pinangasiwaan ng Local Youth Development Office (LYDO) sa pamumuno ni Ms. Revilyn Perez, OIC-LYDO, bilang bahagi ng patuloy na suporta ng lokal na pamahalaan sa edukasyon at paghahanda ng mga kabataan para sa panibagong taong panuruan.
Pinangunahan ang aktibidad nina Hon. Mayor Neil Andrew N. Nocon, Vice Mayor Marlo PJ A. Alipon, Hon. Aldous Amiel B. Perez, at Municipal Operations Center (OpCen) Head Dr. Milbert B. Aguas, kasama ang iba pang kawani ng pamahalaan. Aktibong sinuportahan rin ito nina Public School District Supervisor Dr. Soledad Villanueva ng DepEd Los Baños, Malinta Elementary School Principal III Mr. Rodel Guevarra, Head Teacher Mr. Jemuel Ero, Malinta Elementary School Principal Ms. Lilibeth S. Gozo, Punong Barangay ng Malinta Kap. Jesus H. De Una Jr., Malinta SK Chairperson Mr. Edmund Lloyd E. Velasco, at Bambang Elementary School Principal Chairperson Mr. Nicolas M. Gumobao.
Bukod sa pamamahagi ng mga gamit pang-eskwela, nagbahagi rin si Mayor Neil ng mahahalagang paalala sa mga bata tungkol sa wastong pagtatapon ng basura bilang bahagi ng pagtataguyod ng kalinisan at disiplina sa komunidad. Bahagi ito ng pangako ng Pamahalaang Bayan ng Los Baños na maghatid ng serbisyong direktso para sa bawat kabataang Los Bañense.
via CJSA/PIO-MGLB
Related:
-
Most Viewed Article
