Abante Kabataan, Abante sa Kaalaman: strengthened educational support for public school learners (June 8, 2026)

Published date: Jun 8, 2026

Naghatid ng saya at suporta sa mga mag-aaral na Los Bañense ang Pamahalaang Bayan ng Los Baños sa isinagawang pamamahagi ng school supplies para sa mga Pre-Elementary at Grade 1 students nitong Hunyo 8, 2026 (Lunes) sa Los Baños Central Elementary School, Lalakay Elementary School, at Tadlac Elementary School. Pinangunahan ang programa nina Hon. Mayor Neil Andrew N. Nocon at Hon. Vice Mayor Marlo PJ A. Alipon, kasama ang mga miyembro ng Sangguniang Barangay na sina Hon. Miko C. Pelegrina, Hon. Aldous Amiel B. Perez, Hon. Muriel Laisa B. Dizon, Hon. Leren Mae M. Bautista, Hon. Rand Edouard R. De Jesus, Hon. Myla E. Alinsunurin, at Hon. Jay A. Rolusta, gayundin si SK Federation President Samantha Banasihan Ortega. Ito ay pagpapatuloy ng programang Abante Kabataan, Abante sa Kaalaman School Supplies Distribution 2026” sa pangunguna ng Local Youth Development Office na pinamumunuan ni Ms. Revilyn Perez, OIC-LYDO.

Naging katuwang sa matagumpay na pagsasagawa ng aktibidad si Ms. Roderica Camacho, Education Program Supervisor, SDO Laguna at Dr. Soledad Villanueva, Public School District Supervisor (PSDS) ng Department of Education (DepEd) Los Baños, kasama ang mga guro at school aides ng mga nabanggit na paaralan. Bahagi ang programang ito ng patuloy na pagsisikap ng lokal na pamahalaan na suportahan ang edukasyon at matulungan ang mga mag-aaral sa kanilang paghahanda para sa panibagong taong panuruan, tungo isang mas maayos at mas maliwanag na kinabukasan.

#SchoolSuppliesDistribution

#CentralElementarySchool

#LalakayElementarySchool

#TadlacElementarySchool

#MunicipalityOfLosBaños

#SerbisyongDiretsoSaTao

#AbanteLosBaños

via CJSA/PIO-MGLB

191 Total Views