Multi-sectoral stakeholders gathered for Food and Nutrition Security Policy Forum in Los Baños (June 3, 2026)

Published date: Jun 3, 2026

Isinagawa nitong ika-3 ng Hunyo 2026 (Miyerkules) sa Municipal Multipurpose Hall ang “Policy to Action: Coherence for Food and Nutrition Security – The Case of Los Baños” forum na pinangunahan ng University of the Philippines Los Baños (UPLB) College of Human Ecology, katuwang ang Pamahalaang Bayan ng Los Baños sa ilalim ng pamumuno ni Hon. Mayor Neil Andrew N. Nocon, sa pamamagitan ng Municipal Nutrition Action Office (MNAO) na pinangungunahan ni Ms. Madeleine Alforja. Dinaluhan ito ng iba't ibang kinatawan mula sa pamahalaan, pribadong sektor, civil society organizations, at partner organizations kabilang sina Municipal Agriculturist Cheryll L. Gonzales, Sangguniang Bayan Secretary Dona A. Dizon, PO III Lou Andie D. Reyes, Ms. Sheila Marie P. Care, RSW, at MENRO Staff Aldwin E. Alonzo, kasama ang mga kinatawan mula sa Starbucks, Jollibee, Robinsons Supermarket, Bonitos, Mitz Cassava, Danielito’s Home Kitchen, IT’s a Thai, Eat-Sumo Teri Haus, Letty’s Bukopie, WM Los Baños, IHNF-CHE Staff, at iba pang kawani ng Pamahalaan.

Sa mensahe ng pagbubukas na inihatid ni Chief of Staff Anatoly “Pong” Guinto bilang kinatawan ni Mayor Nocon, binigyang-diin ang kahalagahan ng pagtutulungan ng iba't ibang sektor upang maisulong ang seguridad sa pagkain at nutrisyon sa bayan. Tampok sa programa ang video presentation ni UPLB-CHE Dean Dr. Jennifer Marie S. Amparo tungkol sa layunin at konteksto ng proyekto; mga talakayan nina Dr. Aileen R. De Juras ng IHNF-CHE, UPLB ukol sa Policy Coherence Framework; Dr. Bates Bathan ng DAME-CEM, UPLB tungkol sa integrasyon ng Food and Nutrition Security Framework sa mga plano ng Los Baños; at Ms. Genesis Laurete ng IHNF-CHE, UPLB hinggil sa food ecosystem at nutrition status ng bayan. Naging bahagi rin ng programa ang World Café Workshop, bago nagtapos sa synthesis at closing remarks na pinangunahan ni Municipal Nutrition Action Officer Ms. Madeleine Alforja. Bilang isang Special Science and Nature City, patuloy na nangunguna ang Los Baños sa pagsusulong ng mga makabuluhang polisiya at programang naglalayong tiyakin na walang maiiwan sa usapin ng pagkain, nutrisyon, at kaunlaran.

#PolicyToAction

#CoherenceForFoodAndNutritionSecurity

#MunicipalNutritionActionOffice

#MunicipalityOfLosBaños

#SerbisyongDiretsoSaTao

#AbanteLosBaños

via CJSA/PIO-MGLB

290 Total Views