Health and Wellness Lecture and Therapy Session with Phil. Morinda Citrifolia Inc. (PMCI) or PhilNoni, strengthened employee care and well-Being in Los Baños (May 28, 2026)

Published date: May 28, 2026

Naging matagumpay ang isinagawang Health and Wellness Lecture and Therapy Session nitong ika-28 ng Mayo 2025 (Huwebes) sa Municipal Multi-Purpose Hall ng Pamahalaang Bayan ng Los Baños bilang bahagi ng patuloy na pagsusulong ng kalusugan at kapakanan ng mga kawani ng pamahalaan. Isinagawa ang programa sa pamamagitan ng pagtutulungan ng Pamahalaang Bayan ng Los Baños sa ilalim ng pamumuno ni Hon. Mayor Neil Andrew N. Nocon at ng Phil. Morinda Citrifolia Inc. (PMCI), na mas kilala sa produktong PhilNoni, bilang bahagi ng pagdiriwang ng kanilang ika-25 anibersaryo. Kabilang sa mga nanguna sa programa sina Chief Operating Officer Chiara Contado-Ongkiko-Payuan, General Manager Joseph Morantte, Doc Elautario “Bunny” Bernardo, PMCI President Tim Contado, at Program Head Assessi Seban.

Tampok sa programa ang “Wellness on Wheels” kung saan nagsagawa ng wellness seminar si Doc Bunny Bernardo upang magbahagi ng kaalaman hinggil sa wastong pangangalaga sa kalusugan at kahalagahan ng holistic wellness. Isinagawa rin ang Art Therapy Activity, D-I-Y Sandwich Bar, Photobooth Session, Diagnostics and Therapy Booth, at Community Mural na may temang “Together We Heal.” Nagkaroon din ng libreng therapy sessions para sa mga empleyado bilang pagkilala sa kahalagahan ng mental, emosyonal, at pisikal na kalusugan ng bawat kawani. Higit pa sa isang simpleng wellness activity, naging makabuluhang pagkakataon ang programa upang mapalakas ang samahan, kalusugan, at moral ng mga empleyado tungo sa isang mas positibo at produktibong kapaligiran sa trabaho.

#HealthAndWellnessLecture

#TherapySession

#WellnessOnWheels

#PhilMorindaCitrifoliaInc.

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/ PIO-MGLB

228 Total Views