PCW continued Validation and Onsite Inspection for Los Baños’ GAD Local Learning Hub Application (May 26, 2026)
Ipinagpatuloy nitong Martes, ika-26 ng Mayo 2026, ang ikalawang araw ng Validation Session at Onsite Visit ng Philippine Commission on Women (PCW) sa Pamahalaang Bayan ng Los Baños kaugnay ng aplikasyon ng bayan bilang Gender and Development Local Learning Hub (GAD LLH). Sa pamumuno ni Hon. Mayor Neil Andrew N. Nocon, sa pamamagitan ng Gender and Development (GAD) Office sa panguguna ni GAD Officer at GFPS-TWG Chairperson Ms. Karen Lagat-Mercado katuwang ang iba’t ibang tanggapan ng Pamahalaan, ay muling nagsagawa ng maingat na pagrepaso at validation ang PCW sa mga umiiral na gender-responsive programs, systems, at institutional mechanisms ng lokal na pamahalaan. Bahagi ito ng pagtiyak ng pagsunod nito sa pamantayan ng komisyon para sa sertipikasyon bilang GAD Local Learning Hub. Kabilang sa validation team sina Mr. Allen Domingo, Mr. Kim Harold Peji, Ms. Maria Crisandra Abanto, Ms. Mariel David, at Mr. Pierce Adrian Curbilla.
Sa pagpapatuloy ng validation activities, tinutukan ng PCW ang implementasyon ng iba’t ibang makabagong programa at best practices ng bayan na nagsusulong ng gender equality, women empowerment, at inclusive governance. Kabilang dito ang pagsusuri sa GAD Database Management Information System, GAD-Centered Edutourism Circuit, at iba pang programang nagpapakita ng integrasyon ng GAD sa mga pangunahing serbisyo ng pamahalaan.
Nagkaroon din ng onsite inspection sa mga pasilidad, tanggapan at mga paaralan sa bayan kabilang ang Municipal Information and Communication Systems Office (ICSO), Los Baños Operations Center (OpCen), Municipal Bakery, Los Baños Child Care Center, Rural Health Unit (RHU) 1, Los Baños Hemodialysis Center, Los Baños Ambulatory and Urgent Care Center, Los Baños Senior Citizens Community Care Center, Los Baños Modern Kubo Library, UPLB Dairy Training and Research Institute (DTRI), University of the Philippines Open University (UPOU) at Philippine High School for the Arts (PHSA) upang tiyakin ang accessibility, inclusivity, at gender-responsiveness ng mga serbisyo para sa mamamayan. Patuloy na pinaiigting ang mga programang nakasentro sa pagkakapantay-pantay at inklusibong pamamahala, upang ang ating lokal na pamahalaan ay maging huwaran sa pagsusulong ng makatao at gender-responsive na serbisyo publiko.
#GenderAndDevelopmentLocalLearningHub
#ValidationSessionAndOnsiteVisit
| via CJSA/ PIO-MGLB
Related:
-
Most Viewed Article
