DOLE and MGLB expanded employment opportunities through Emergency Deployment Program Orientation (May 25, 2026)

Published date: May 25, 2026

Isang mahalagang hakbang tungo sa pagpapalawak ng oportunidad sa hanapbuhay at agarang suporta sa kabuhayan ang isinagawang Emergency Deployment Program Orientation ng Department of Labor and Employment (DOLE) nitong Mayo 25, 2026 (Lunes) sa Municipal Multipurpose Hall. Naging katuwang ng DOLE ang Pamahalaang Bayan ng Los Baños sa pamumuno ni Hon. Mayor Neil Andrew N. Nocon, sa pamamagitan ng Public Employment Service Office (PESO) na pinangungunahan ni PESO Manager Gliceria Trinidad, kasama si Ms. Thelma Villamor, at suporta ng Gender and Development (GAD) Office sa pangunguna ni Ms. Karen Lagat-Mercado. Ipinamalas ng aktibidad ang sama-samang pagkilos ng pambansa at lokal na pamahalaan upang matugunan ang pangangailangan ng mga mamamayan sa trabaho at kabuhayan.

Sa isinagawang oryentasyon, tinalakay ang mahahalagang impormasyon hinggil sa implementasyon ng Emergency Deployment Program, kabilang ang mga benepisyo, tungkulin, at oportunidad na maaaring makamit ng mga kalahok. Patuloy na pinaigting ng Pamahalaang Bayan ng Los Baños at DOLE ang hangarin na makapaghatid ng maagap at inklusibong serbisyo na hindi lamang nagbibigay ng pansamantalang hanapbuhay kundi nagsisilbi ring daan tungo sa mas matatag at maunlad na bayan ng Los Baños.

#EmergencyDeploymentProgramOrientation

#DepartmentOfLaborAndEmployment

#PESOLosBaños

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/ PIO-MGLB

225 Total Views