Educators and Cultural advocates gathered in Los Baños for Malikhaing Guro 2026 (May 23, 2026)
Nagtipon-tipon sa Bayan ng Los Baños nitong ika-23 ng Mayo 2026 (Biyernes) ang mga guro, mananaliksik, cultural workers, at mga tagapagtaguyod ng malikhaing pagkatuto para sa unang araw ng Malikhaing Guro 2026: International Conference on Culture-Based Education. Buong suportang dinaluhan ito ni Hon. Mayor Neil Andrew N. Nocon kung saan kanyang ipinahayag ang buong suporta ng Pamahalaang Bayan ng Los Baños sa mga programang nagsusulong ng culture-based education at community collaboration, kasabay ng pagkilala sa kahalagahan ng malikhaing pagkatuto at pangangalaga sa lokal na kultura bilang pundasyon ng mas makabuluhan at responsableng edukasyon.
Pinangunahan ang opening ceremonies ni Dr. Levita A. Duhaylungsod, Head Convenor ng Malikhaing Guro-ICCBE, habang inihatid naman ni Ms. Ma. Bernadeth Laurelyn Pante ng UPLB-Agriculture Systems Institute (UPLB-ASI) ang welcome address. Tampok sa kumperensya ang temang “Culture-Based Education through School and Community Learning Systems: Navigating the Challenges in Food Security, Climate Change and Sustainability”.
Naging bahagi ng programa ang espesyal na pagtatanghal ng ARTIST Inc’s CLAP, at keynote address ni Dr. Eric B. Zerrudo, Chairperson/ Executive Director III ng National Commission for Culture and the Arts. Nagkaroon rin ng talakayan sa mga plenary sessions nila Dr. Renzo Guinto, Associate Professor at Lead ng Planetary Health Programme ng National University of Singapore; Mr. Guillermo “Ige” Ramos, Food Writer at Founder ng Ugnayan Center for Philippine Gastronomy; at Mr. Christian “Bong” Ramilo, Former Executive Officer & Creative Producer ng Darwin Community Arts Australia. Kabilang rin sa programa ang parallel presentations, cultural performances, at Sunset Heritage Walk sa ilang makasaysayang pook sa ating bayan. Sa kabuuan, pinag-ugnay ng Malikhaing Guro 2026 ang sining, kultura, at kaalaman upang makahubog ng mas malikhain, makakalikasan, at makabagong kinabukasan.
#InternationalConferenceOnCultureBasedEducation
| via CJSA/ PIO-MGLB
Related:
-
Most Viewed Article
