GOVPH

×

Nagpulong ang Municipal Solid Waste Management Board (MSWMB) sa kanilang 2nd Quarterly meeting nitong Mayo 12, 2026 (Martes) sa Conference Room ng Pamahalaang Bayan ng Los Baños. Isinagawa ito sa ilalim ng administrasyon ni Hon. Mayor Neil Andrew N. Nocon bilang Chairperson ng lupon, habang pinangunahan naman ni Chief of Staff Mr. Anatoly M. Guinto bilang Vice-Chairperson. Ang miyembro ng board ay binubuo ng iba’t ibang pinuno ng tanggapan ng lokal na pamahalaan at kinatawan ng mga ahensya at organisasyon sa bayan, kabilang sina Hon. Myla E. Alinsunurin, Chairperson ng Environment Committee ng Sangguniang Bayan; Hon. Gaudencio P. Macatangay, Presidente ng Liga ng mga Barangay; Hon. Samantha Nicole A. Banasihan-Ortega, Presidente ng Federation of Sangguniang Kabataan; Municipal Agriculturist Ms. Cheryll L. Gonzales; Municipal Engineer Engr. Ricky R. Estopace; Municipal Health Officer Dr. Alvin A. Isidoro; GSO Head Engr. Raymond Joseph B. Paraiso; MPDC Ms. Twila Torres; PIO Head Mr. John Marvin S. Canaria; MENRO Focal Person Ms. Sitti Fatima A. Traje; Director ng UPLB BIOTECH Ms. Fides Marciana Z. Tambalo; Director for Finance and Administration ng ASEAN Centre for Biodiversity Atty. Genalyn A. Bangon-Soriano; Dean ng SESAM-UPLB Decibel V. Faustino-Eslava, PhD; kinatawan ng Los Baños Grand 103 Lions Club na si Ms. Susana Maligalig; kinatawan ng Scrappy Eco Trading Recycling na si Mr. Henry R. Evangelista Jr.; at kinatawan ng ENTOM Pest Control na si Ms. Cynthia Alma B. Melendres. Nagsilbi namang Secretariat ng pagpupulong ang Los Baños Municipal Environment and Natural Resources Office (MENRO).

Tinalakay sa pagpupulong ang iba’t ibang mahahalagang usapin ukol sa pagpapatupad ng solid waste management programs ng bayan. Kabilang dito ang ulat ng MENRO hinggil sa kasalukuyang estado ng solid waste management sa Los Baños, kabilang ang waste generation at collection data para sa unang quarter ng taon. Inilahad din ang updates ukol sa implementasyon ng segregation at source, kalagayan ng mga Material Recovery Facilities (MRFs), residual waste management, at mga disposal facilities sa bayan. Nagkaroon din ng pag-uulat hinggil sa compliance ng mga barangay sa pagpapatupad ng Republic Act No. 9003 o Ecological Solid Waste Management Act of 2000, kabilang ang mga best practices na maaaring tularan at mga areas for improvement upang higit pang mapalakas ang environmental compliance ng bawat komunidad. Bukod dito, tinalakay rin ang mga isinagawang Information, Education, and Communication (IEC) activities gayundin ang mga nakahanay na programa at plano ng board para sa mga susunod na buwan. Ipinakita sa pagpupulong ang matibay na pagkakaisa ng iba’t ibang tanggapan, institusyon, at organisasyon upang mas mapag-igting ang mga proyekto, programa, at inisyatibong nakatuon sa wastong pamamahala ng basura at pangangalaga sa kalikasan para sa kapakinabangan ng bawat Los Bañense.

#MunicipalSolidWasteManagementBoard

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/ PIO-MGLB