GOVPH

×

Isang makabuluhang hakbang tungo sa mas pinalawak na serbisyong pang-edukasyon, pangkalusugan, pangkabuhayan, at pampalakasan ang muling isinakatuparan ng Pamahalaang Bayan ng Los Baños sa pamamagitan ng paglagda sa Memorandum of Agreement (MOA) kasama ang University of the East (UE), Office of Extension and Community Outreach, National Service Training Program nitong Mayo 4, 2026 (Lunes) sa Municipal Conference Room. Pinangunahan ang kasunduan ni Hon. Mayor Neil Andrew N. Nocon at ni UE President Dr. Zosimo Battad bilang tanda ng matibay na pagtutulungan ng akademya at lokal na pamahalaan para sa kapakinabangan ng mamamayang Los Bañense.

Saklaw ng nasabing kasunduan ang iba’t ibang programang magkasamang ipatutupad ng Pamahalaang Bayan ng Los Baños at University of the East na nakatuon sa holistic community development. Kabilang dito ang Rizal’s Classroom of the Future Launching, 120-day Supplementary Milk Feeding Program katuwang ang Philippine Carabao Center, Oplan Timbang, Sports Clinic tampok ang Badminton, Fencing, Volleyball at Basketball, Alay sa Lolo at Lola Dental Mission sa pamamagitan ng UE College of Dentistry, Community Literacy Programs, at Livelihood Programs. Higit pang palalakasin ng mga programang ito ang nutrisyon, edukasyon, sports development, serbisyong pangkalusugan, at kabuhayan ng iba’t ibang sektor sa bayan.

Dumalo rin sa makasaysayang MOA signing ang mga kinatawan mula sa University of the East kasama sina Dr. Louie Divinagracia, Chancellor of UE Manila Campus; Dr. Rogelio Espiritu, Director for Office of Extension and Community Outreach; Dr. Madeleine Co, Assistant NSTP Coordinator; Dr. Alberto Paala Jr., Dean, Graduate School; Dr. Leo Robert Viajar, Director, Physical Education; Mr. Gerardo Venturina, Principal on Basic Education; Ms. Erika Villaluna, Faculty on Basic Education and NSTP; Head Coach on Fencing Mr. Lee Eigran E. Ergina; at mga Coaches na sina Mr. Robert Cabaero, Mr. Luis Shoemaker, at Mr. Von Eubert Gale.

Nakiisa rin sa pagdiriwang ng partnership ang Philippine Chamber of Commerce and Industry (PCCI) Los Baños sa pangunguna ni President Engr. Grace Nolasco Bondad kasama si PCCI Los Baños Board Member Andrew Nicolas, gayundin ang Department of Education (DepEd) Los Baños sa pangunguna ni Public School District Supervisor (PSDS) Soledad S. Villanueva kasama sina Principals Dr. Rogel E. Bercenas at Dr. Sylvia M. Encabo at iba pang mga kawani ng DepEd. Ang pakikiisa ng iba’t ibang sektor ay sumasalamin sa iisang adhikain na pagsama-samahin ang lakas ng pamahalaan, akademya, negosyo, at edukasyon upang makapaghatid ng mas malawak at mas epektibong serbisyo para sa lahat.

Dumalo rin at nagbigay buong suporta ang mga kawani ng Pamahalaang Bayan ng Los Baños kabilang sina Municipal Administrator Atty. Virgilio A. Tiongson Jr., MPDC Twila T. Torres, Municipal Engineer Ricky R. Estopace, GAD Officer Karen L. Mercado, Acting Municipal Budget Officer Joyce Ann Mae L. Del Valle, Designated MNAO Madeleine M. Alforja, OIC LYDO Revilyn D. Perez, PIO Head John Marvin S. Canaria, OIC Tourism Edmarie Z. Calungsod, at MUDHO Head Karen Joy B. Coronado. Muling pinatunayan ng Pamahalaang Bayan ng Los Baños ang patuloy na pagsusulong ng mga matibay na ugnayan at mga programang tunay na magdadala ng Serbisyong Diretso sa Tao at mag-aambag sa patuloy na pag-abante sa bayan ng Los Baños.

#MemorandumOfAgreementSigning

#UniversityOfTheEast

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/ PIO-MGLB