GOVPH

×

Sumailalim ang Pamahalaang Bayan ng Los Baños, sa pamumuno ni Hon. Mayor Neil Andrew N. Nocon, sa 2025 Local Government Unit Compliance Assessment (LGU-CA) bilang isa sa 30 lokal na pamahalaan sa Lalawigan ng Laguna na kaisa sa Manila Bay City Clean-up, Rehabilitation and Preservation Program (MBCRPP). Isinagawa ang assessment ng ating bayan noong ika-22 ng Abril 2025 (Miyerkules) sa pamamagitan ng Municipal Environment and Natural Resources Office (MENRO) na pinangungunahan ni  MENRO Focal Person Ms. Sitti Fatima A. Traje, kung saan naipamalas ng Pamahalaang Bayan ang positibong compliance sa iba’t ibang pamantayan ng assessment, bunsod ng patuloy na pagpapatupad ng mga polisiya at programang pangkalikasan.

Saklaw ng pagsusuri ang tatlong pangunahing larangan o clusters: Solid Waste Management (SWM), Liquid Waste Management (LWM), at Informal Settler Families (ISF) Management. Nagkaroon rin ng on-site inspection sa SWM assessment na isinagawa sa Barangay Batong Malake, Barangay Tuntungin-Putho, Barangay Timugan, gayundin sa Transfer Station/Material Recovery Facility (MRF) at Municipal Slaughterhouse, kung saan naipakita ang maayos na pagpapatupad at koordinasyon sa antas ng barangay at pasilidad.

Pinangasiwaan ang assessment ng Provincial Inter-Agency Committee (PIAC) na binubuo ng mga kinatawan mula sa iba’t ibang ahensya: mula sa Provincial Government Environment and Natural Resources Office (PGENRO) ay sina PGDH ENRO Roda B. Valenzuela, at EMS II Ricarte J. Castillo. Mula naman sa Provincial Urban Development and Housing Office (PUDHO) sina District Officer Zolan T. Bernardino, District Officer Engr. Romualdo C. Palomar, Mr. Wency L. Absulio EnP; at Ms. Hazel C. Gahol. Kinatawan naman ng Provincial Health Office (PHO) sina Michel Christian L. Mercado II, Engineer II; at Rosemarie Graida. Katuwang din sa isinagawang pagsusuri ang Department of Interior and Local Government (DILG) Laguna sa pangunguna ni Provincial Director Jay Beltran, kasama sina LGOO III/LGMES Section Hannah Krystel R. Castro, PDO II Graciela LJ P. Lurina, at LGOO V/ LGMES Chief Mia Carla M. Ilang-Ilang, at ang DILG IV-A na kinabibilangan ni PDO II Jeffson Baldemeca.

Buong suporta namang dinaluhan ito ng mga pinuno ng Pamahalaang Bayan sa pangunguna ni Hon. Mayor Neil Andrew Nocon, kasama sina DILG MLGOO Michiko R. Escalante; Chief of Staff Anatoly “Pong” Guinto; Municipal Administrator Atty. Virgilio A. Tiongson, Jr.; Municipal Engineer Ricky R. Estopace; MPDC Twila T. Torres; GSO Engr. Raymond Joseph B. Paraiso; MENRO Focal Person Ms. Sitti Fatima A. Traje; Slaughter Master III Ricky Flores; at MUDHO Head Karen Joy B. Coronado. Nakiisa rin ang iba pang mga kawani ng pamahalaan, mga opisyal at kawani ng Barangay Batong Malake, Barangay Tuntungin-Putho, at Barangay Timugan, at iba pang mga katuwang na orgqnisasyon, bilang patunay ng nagkakaisang pagkilos tungo sa pagpapanatili ng mataas na antas ng pangangalaga sa kalikasan.

#2025LGUComplianceAssessment

#MBCRPP

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/ PIO-MGLB