Groundbreaking Ceremony for the Modernization of the University of the Philippines Veterinary Teaching Hospital Los Baños (UPVTH LB) (April 8, 2026)

Published date: Apr 8, 2026

Muling ipinamalas ang suporta sa pagpapaunlad ng serbisyong beterinaryo, pananaliksik, at edukasyon sa rehiyon sa pakikibahagi ni Hon. Mayor Neil Andrew N. Nocon sa Groundbreaking Ceremony para sa Modernization ng University of the Philippines Veterinary Teaching Hospital Los Baños (UPVTH LB) na ginanap sa Victor Buen Camino Hall, UP College of Veterinary Medicine (UPCVM), Tabon, Sto. Domingo, Bay, Laguna nitong ika-8 ng Abril 2026 (Miyerkules).

Pinangunahan ang programa ni Dr. Maria Amelita C. Estacio, Dean ng UP College of Veterinary Medicine, kasama sina Dr. Emmanuel P. Hernandez, Secretary ng UP College of Veterinary Medicine Alumni Association (UPCVMAA), at Dr. Therese Maria A. Collantes, Director ng Veterinary Teaching Hospital. Naging keynote speaker naman si Mr. Robert Aranton, President ng UP Alumni Association, habang nagbahagi ng mga mensahe ng suporta sina Hon. Mayor Neil Andrew N. Nocon; Dr. Constante “Dante” J. Palabrica, Undersecretary for Agriculture ng Department of Agriculture; Dr. Jose V. Camacho Jr., Chancellor ng University of the Philippines Los Baños (UPLB); Dr. Lina S. Policarpio, President ng Philippine Veterinary Medical Association (PVMA); at Dr. Maria Amelita C. Estacio, Dean ng UPCVM.

Tampok rin sa programa ang pagbabahagi ng kasaysayan ng UPCVM, at ang Video Presentation ng VTH Modernization Project, na sinundan ng Unveiling of Project Signage at Renderings at Ceremonial Dig bilang simbolikong pagsisimula ng proyekto. Pinangunahan naman ni Dr. Cary L. Calimlim, President ng UPCVMAA at CEO ng Vetremedica Corporation, ang presentasyon hinggil sa modernisasyon ng ospital. Nagtapos ang programa sa Closing Remarks ni Dr. Michelle Grace V. Paraso, Assistant to the Dean ng UPCVM, sa harap ng mga VIPs, UP dignitaries, kinatawan ng Amber Builders, mga opisyal ng UPLB, alumni, at iba pang mga panauhin.

Sa pamamagitan ng modernisasyong ito, inaasahang higit pang mapalakas ang kakayahan ng Veterinary Teaching Hospital sa pagbibigay ng de-kalidad na serbisyo at pagsasanay sa susunod na henerasyon ng mga beterinaryo. Ipinakita rin ng proyektong ito ang kahalagahan ng ugnayan ng pamahalaan at akademya sa pagsusulong ng agrikultura at kalusugan ng hayop, maging ang pagpapaunlad ng mga serbisyong direktang makikinabang ang mamamayan.

#GroundbreakingCeremony

#VeterinaryTeachingHospitalModernization

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/ PIO-MGLB

394 Total Views