GOVPH

×

Aktibong nakiisa si Hon. Mayor Neil Andrew N. Nocon sa paglulunsad ng UPLB Social Justice Hub nitong Marso 16, 2026 (Lunes) sa D.L. Umali Hall Lobby ng University of the Philippines Los Baños. Bilang community partner ng inisyatiba, nagbahagi si Mayor Nocon ng kanyang pagninilay sa mahalagang papel ng pagtutulungan ng akademya, pamahalaan, at mamamayan sa paghubog ng isang mas patas at inklusibong lipunan. Nagbigay rin ng mensahe sina UPLB Vice Chancellor for Research and Extension Prof. Nathaniel C. Bantayan, PhD; at UPLB Chancellor Prof. Jose V. Camacho Jr., PhD na nagpahayag ng kanilang suporta sa mga programa ng pamahalaan na nagtataguyod ng inobasyon, at makabuluhang ugnayan.

Tampok sa programa ang Voices of Justice Project Spotlights kung saan ibinahagi ni UPLB-CHE Dean at Project Leader Assoc. Prof. Jennifer Marie S. Amparo, PhD ang LIKHA Project; ni UPLB Ugnayan ng Pahinungod Director Jose Limbay Lahi O. Espaldon ang Kalipunan Project; at ni UPLB-CAS Project Leader at Director of General Education Assoc. Prof. April Hope T. Castro ang Lakbay Los Baños Heritage Walk na isinasagawa katuwang ang Pamahalaang Bayan ng Los Baños sa pamumuno ni Mayor Nocon. Tinalakay rin ni UPLB-CEM Assoc. Prof. Jefferson A. Arapoc ang pagpapalalim ng kamalayan sa kahirapan, habang nagbigay ng makabuluhang pagtatanghal ang UPLB Talent Pool at nagkaroon ng staged reading sa ideya ng isang patas na lipunan. Ibinahagi naman ni UPLB-CPAF Assoc. Prof. Maria Kristina G. Alinsunurin ang bisyon at balangkas ng Social Justice Hub na sinundan ng open dialogue, commitment circle, at paglalagom ni UPLB-CAS Associate Dean Assoc. Prof. Katrina Ross A. Tan. 

Dinaluhan din ito ng iba pang mga opisyal at faculty ng unibersidad kabilang sina: Vice Chancellor for Academic Affairs Agham C. Cuevas, PhD; Vice Chancellor for Administration Rolando T. Bello, MSc; Vice Chancellor for Innovation and Enterprise Management Haerold Dean Z Layaoen, PhD; Vice Chancellor for Community Affairs Eric Paul D. Peralta, JD; Assistant to the Vice Chancellor for Student Affairs Marcelina C. Miranda, MSc; CAFS Dean Amado A. Angeles, PhD; CAS Dean Chrysline Margus N. Piñol, PhD; CDC Dean Edmund G. Centeno, PhD; DAME Chair Asst. Prof. Nanette Aquino; CEAT Dean Rex B. Demafelis, PhD; CPAF Dean Rhea Gumasing, PhD; SESAM Dean Decibel V. Faustino-Eslava, PhD; Graduate School Dean Jomar F. Rabajante, DSc; Asst. to the Vice Chancellor for Research and Extension Marian P. De Leon, PhD; Department of Economics Asst. Prof Jefferson A. Arapoc, PhD; Graduate School Secretary Maria Kristina G. Alinsunurin, PhD; Dr. Laurence Marvin S. Castillo, Dr. Pamela C. Custodio, Dr. Mark Oliver Llangco, Engr. Mr. Emmanuel Zues Gapan, Mr. Jeffrey Andrew L. Losloso, Ms. Romella T. Beringuela, Mr. Christian Gerard Berou, Mr. Adriel Joseph Araullo, at Mr. Adriann M. Quilloy.

Sa kabuuan, ang inisyatibang ito ay nagbukas ng mas matibay na pundasyon upang pagtibayin ang diyalogo, palawakin ang partisipasyon, at isulong ang sama-samang pagkilos tungo sa tunay na katarungang panlipunan.

#UPLBSocialJusticeHubLaunch

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/ PIO-MGLB