GOVPH

×

Ang 16th Buntis Congress na may temang “From Hilot to High Tech: Bridging Tradition and Modern Maternal Care Towards Holistic Care for Every Mother” ay ginanap nitong ika-13 ng Marso 2026 (Biyernes) sa CPP Memorial Stadium and Evacuation Center bilang bahagi ng pagdiriwang ng National Women’s Month. Pinangunahan ang makabuluhang pagtitipon ng Pamahalaang Bayan ng Los Baños sa pamumuno ni Hon. Mayor Neil Andrew Nocon, sa pamamagitan ng Los Baños Municipal Health Office (MHO) na pinamumunuan ni Dr. Alvin A. Isidoro at ng Gender and Development (GAD) Office sa pangunguna ni Ms. Karen Lagat-Mercado. Pinagtibay ng programa ang kahalagahan ng kalusugan at kapakanan ng mga ina, habang pinagbubuklod ang tradisyunal na kaalaman at makabagong serbisyong medikal para sa ligtas at malusog na pagbubuntis. Ipinaalala naman nina Dr. Alvin Isidoro at RM Cristeta De Villa ang kahalagahan ng tamang kaalaman, regular na prenatal care, at suporta upang matiyak ang ligtas na pagbubuntis. 

Nagbahagi naman ng mahahalagang kaalaman sina OB-GYNs Dr. Christine Pahud, Dr. Renelle Ibarra-Labtuon, at Dr. Jovita Jane Revilla sa mga paksang Safe Pregnancy and Delivery, Nutrition, at Teenage Pregnancy, habang pinangunahan ni HEPO Designate Marlyn B. Rañola ang open forum, kaisa sina Dra. Villanueva, Dra. Gaspar, at Dra. Antonio. Pinadaloy naman ang programa ni Nurse Ren Michael M. Bautista, at maayos na naisakatuparan sa tulong ng mga kawani ng mga sumusunod na tanggapan: MNAO na pinangunahan ni Ms. Madeleine Alforja, Sangguniang Bayan sa suporta ni Queenshala Leren Mae Bautista, GAD, MHO, PMO, GSO, MEO, ICSO, PIO, TRU, LBTMO at Mayor's Office, mga opisyal ng mga barangay, at mga katuwang na boluntaryo.

Naging tampok rin sa programa ang sampung Alagang Buntis Package kabilang ang laboratory services, family planning services, nutritional services, post-partum visit at lactation massage, mental health services, dental services, HIV testing, birthing home services, PhilHealth registration, at PuroKalusugan services na nagbigay ng komprehensibong serbisyong pangkalusugan para sa mga kalahok upang mapangalagaan ang kanilang kalusugan mula pagbubuntis hanggang sa panganganak.

Ang aktibidad ay naging matagumpay sa tulong ng iba't ibang institusyon kabilang ang Philippine Obstetrical and Gynecological Society, Los Baños Doctors Hospital, Healthserv Los Baños Medical Center, Los Baños Bio-Scan Clinlab and Medical Clinic, Laguna Diagnostics Center, Makiling Medica, Generika Los Baños Branch, Prosel Pharma Inc., Pharmaceia Jimenez, MedCare Asia Inc., BSB Company, Fonterra Brands Philippines Inc., at Unilab. Nakibahagi rin ang NurtureMed, Folares, DKT, Taisho Pharmaceuticals, Crisdy-Na Drug Corp, Wert Philippines Inc., Danzz Pharma Marketing Inc., Philhealth Calamba Local Health Insurance Office at TGP Partylist sa tulong ni Queenshala Leren. Kaisa rin ang LOBEMCO, GF Minimart, si Ms. Milanie Q. Villamayor, Bambang SHS, TRACE College, at iba pang institusyon. 

Ang 16th Buntis Congress ay pagpupugay sa lakas ng mga ina, mga kababaihang nagdadala hindi lamang ng buhay, kundi ng pangarap, pag-asa, at pagmamahal na humuhubog sa kinabukasan ng ating bayan.

#16thBuntisCongress

#NationalWomensMonth2026

#NWM2026

#AbanteBabae

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/ PIO-MGLB