GOVPH

×

Buong pusong nakibahagi ang Pamahalaang Bayan ng Los Baños sa pamumuno ni Hon. Mayor Neil Andrew Nocon sa 117th Founding Anniversary ng University of the Philippines (UPLB) nitong Marso 6, 2026 (Biyernes). Ang pagdiriwang ay pinangunahan ng UPLB College of Human Ecology (UPLB-CHE) na may temang “Rooted in Honor, Growing in Sustainability: UPLB Advancing the SDGs for Excellence in the Service of the Nation.” 

Sinimulan ang selebrasyon sa isang seremonya sa paggunita sa pagkakatatag ng unibersidad na ginanap sa Pook Pinagtatagan, Los Baños. Nagbigay ng mensahe ng pag-alala at pagkakaisa sina Hon. Mayor Neil Andrew Nocon, UPLB Chancellor Jose V. Camacho Jr. PhD, UPLB CHE Dean Jennifer Marie S. Amparo PhD, UPLB Alumni Association President Mauro W. Barradas at VC for Academic Affairs Agham C. Cuevas PhD. Bahagi rin ng programa ng seremonyal na pagtatanim ng Mussaenda hybrids sa pangunguna ng IPB CAFS, na sinundan ng agahan sa bulwagan ng Munisipyo.

Dinaluhan ng mga natataging lider at eksperto ang pagdiriwang kabilang ang mg National Scientists na sina Dr. Emil Javier, Dr. Dolores Ramirez, at Dr. Ruben Villareal, gayundin si DENR PENRO Laguna Venerando Garcia at UPLBAA President Mauro W. Barradas. Naroon rin ang mga Vice Chancellors (VC) ng UPLB: VC for Academic Affairs Agham C. Cuevas PhD, VC for Administration Rolando T. Bello MSc, VC for Community Affairs Eric Paul D. Peralta JD, VC for Planning and Development Rossana Marie C. Amongo PhD, VC for Research and Extension Nathaniel C. Bantayan PhD, VC for Student Affairs Janette H. Malata-Silva PhD, at VC for Innovation and Enterprise Management Haerold Dean Z Layaoen PhD.

Nagbigay-suporta rin ang mga dekano ng UPLB: CHE Dean Jennifer Marie S. Amparo PhD, CAFS Dean Amado A. Angeles PhD, CFNR Dean Marlo D. Mendoza MDM, CEM Dean Ma. Angeles O. Catelo PhD, CDC Dean Edmund G. Centeno PhD, CEAT Dean Rex B. Demafelis PhD, CPAF Dean Rhea Gumasing PhD, CVM Dean Maria Amelita C. Estacio PhD, CAS Dean Chrysline Margus N. Piñol PhD, CDC Dean Edmund G. Centeno PhD, SESAM Dean Decibel V. Faustino-Eslava PhD, Graduate School Dean Jomar F. Rabajante DSc, at University Registrar Margarita Carmen S. Paterno MSc. Dinaluhan din ang okasyon ng mga Assistants to the Vice Chancellors, mga Direktor ng iba’t ibang UPLB Institutes at Departments, UPLB Associate Deans, UPLB alumni, mga kawani ng pamahalaan, at mga miyembro ng iba’t ibang kaugnay na organisasyon.  

Ang selebrasyong ito ay nagsilbing panimula sa buong araw na serye ng paggunita ng mahigit isang siglong kasaysayan ng UPLB mula noong Marso 6, 1909 nang itatag ang UP College of Agriculture na ngayo’y kilala bilang College of Agriculture and Food Science (CAFS), na patuloy na nagsisilbi sa bayan sa pamamagitan ng eduksayon, pananaliksik, at mga serbisyong patuloy na nagpapaabante sa bayan. 

#UPLB117thFoundingAnniversary

#UPLB117

#UPLBCAFSAt117

#UPLBPookPinagtatagan

#MunicipalityOfLosBaños 

#SerbisyongDiretsoSaTao 

#AbanteLosBaños

| via CJSA/ PIO-MGLB