Reformation and Election of the Los Baños Tourism Council for 2026–2028 successfully held (February 10, 2026)

Published date: Feb 10, 2026

Ginanap ang repormasyon at eleksyon ng Los Baños Tourism Council para sa taong 2026–2028 nitong Pebrero 10, 2026 (Martes) sa Municipal Multipurpose Hall ng Pamahalaang Bayan ng Los Baños, sa pamumuno ni Hon. Mayor Neil Andrew Nocon. Pormal na isinagawa ang proseso ng reorganisasyon ng konseho, na sinundan ng eleksyon ng mga bagong opisyal na inaasahang magpapatuloy at magpapalakas ng mga programa para sa lokal na turismo. Tinalakay rin ang mga tungkulin ng bawat kinatawan sa pagpapatupad ng mga inisyatiba ng sektor ng turismo ng bayan.

Nagkaroon din ng mahahalagang pagbabahagi ng impormasyon hinggil sa Lakbay Los Baños, Anilag Festival Level Up Trade Fair Booth Products, at Tourism Development Plan. Sa presentasyon, inilatag ang mga estratehiya at planong nakatuon sa pagpapalakas ng lokal na turismo, pagpapalawak ng oportunidad sa kabuhayan, at paglikha ng mas maraming trabaho at negosyo para sa mga mamamayan.

Ang pagtitipon ay sumasalamin sa patuloy na pagtutulungan ng pamahalaang bayan at mga stakeholder sa pagsusulong ng isang mas organisado, dinamiko, at kaaya-ayang destinasyong panturismo, na layuning higit pang kilalanin ang Los Baños bilang sentro ng kultura, kalikasan, at pag-unlad.

#LosBañosTourismCouncil

#ReformationAndElection

#MunicipalityOfLosBaños

#SerbisyongDiretsoSaTao

#AbanteLosBaños

| via CJSA/ PIO-MGLB

398 Total Views