Los Baños strengthened livelihood opportunities through DSWD Lingap Kalikasan Sustainable Livelihood Program Association (LK-SLPA) Funding for Junkshop Enterprise Project (December 9, 2025)
Isang mahalagang hakbang tungo sa mas matatag na kabuhayan ang isinagawa sa Pamahalaang Bayan ng Los Baños nitong ika-9 ng Disyembre 2025 sa pangunguna ni Hon. Mayor Neil Andrew Nocon, matapos pormal na igawad ng Department of Social Welfare and Development, sa pamamagitan ng Sustainable Livelihood Program (SLP), ang ₱450,000.00 na tulong-pamumuhunan sa Lingap Kalikasan Sustainable Livelihood Program Association (LK-SLPA). Ang naturang pondo ay magsisilbing panimulang kapital para sa Junkshop Enterprise Project na itatayo sa Magnetic Hill, Barangay Timugan, Los Baños, Laguna, Philippines, na inaasahang magbibigay ng mas matatag at pangmatagalang kabuhayan para sa mga benepisyaryo.
Sa pamamagitan ng proyektong ito, layunin ng LK-SLPA na lumikha ng tuloy-tuloy na oportunidad sa kabuhayan, isulong ang responsableng pamamahala ng basura at pagre-recycle sa komunidad, at palakasin ang lokal na ekonomiya sa pamamagitan ng mga community-based enterprises. Patuloy ang Department of Social Welfare and Development sa pagsuporta sa mga inisyatibang nagtataguyod ng inklusibo, makakalikasan, at sustenableng kabuhayan para sa mas matatag na kinabukasan ng mga pamilyang Pilipino.
| via CJSA/ PIO-MGLB
Related:
-
Most Viewed Article
