NEWS AND UPDATES
  • Date of publish: Jun 12, 2016

  • LOS BAÑOS, LAGUNA -  Pinangunahan ng Pamahalaang Bayan ng Los Baños ang pagdiriwang ng ika-118 Araw ng Kalayaan na ginanap kaninang umaga sa harapan ng Gusaling Bayan ng Los Baños. Ang pagdiriwang para sa taong ito ay may temang "Kalayaan 2016: Pagkakaisa, Pag-aambagan, Pagsulong."

    Isang maikiling palatuntunan ang inihanda ng Pamahalaang Bayan ng Los Baños sa tulong ng Tanggapan ng Pangasiwaan ng Turismo na dinaluhan ng mga sumusunod:

    • * Kagawaran ng Edukasyon sa pamumuno ni Dr. Esmeralda E. de Castro, tagamasid Pampurok
    • * Sangguniang Barangay sa pamumuno ng mga Punumbarangay at Kagawad
    • * Mataas na Paaralan para sa Sining sa pamumuno ni Dr. Victor Emmanuel Carmelo D. Nadera Jr, Tagapamahala
    • * Pambansang Pulisya ng Pilipinas sa pamumuno ni PSupt. Rodolo Montes Ama
    • * Mga ulo ng kagawaran at kawani ng munisipyo
    • * Direktiba at kasapi ng Grand Lodge of Free & Accepted Masons of the Philippines bilang mga panauhing pandanga

    Nagpahatid naman ng maikiling mensahe at pasasalamat si G. Arnold M. Tolentino, Woshipful Master (Makiling Lodge Np. 72) ng Grand Lodge of Free and Accepted Masons of the Philippines sa Pamahalaang Bayan ng Los Baños para sa inihandang pagdiriwang at ginawaran ng kanilang samahan ang mahal na Punumbayan Caesar P. Perez ng isang tanda ng pagpapahalaga. Samantala, ibinigay ng Punumbayan ang kaniyang taos pusong pasasalamat sa lahat ng dumalo at nakiisa sa pagdiriwang at tiniyak na mas lalong pagagandahin ang selebrasyon sa susunod na taon.

    Nagsimula ang pagdiriwang sa ganap na ika-7 ng umaga na pinasimulan ng pagpasok ng mga kulay at sinundan ng pagkanta ng Pambansang Awit ng Pilipinas na pinangunahan ni Bb. Mary Gidget dela Llana, na isa rin sa mga nagbigay ng natatanging bilang. Binigyang parangal din ang watawat ng Pilipinas sa pamumuno ni Noble Marino A. Garcia. Aniya, ang watawat ay sagisag ng bansang Pilipinas at katapangan ng lahing Pilipino at iba pang kaakit-akit na katangian. Idiniin din ni G. Garcia na karapatdapat na bigyang-pugay ang watawat sapagka't kumakatawan ito sa pagkakapantay, katarungan at kalayaan. Naghatid naman ng maikling panalangin ang mga mag-aaral ng Mataas na Paaralan para sa Sining at naghandog din ng isang awitin.

    Nagbigay naman ng maikiling mensahe at pasasalamat si WM Arnold M. Tolentino sa Pamahalaang Bayan ng Los Baños para sa paanyaya at inihandang programa para sa pagdiriwang ng Araw ng Kalayaan. Ginawaran din ng kanilang samahan ang mahal na Punumbayan Caesar P. Perez ng isang tanda ng pagpapahalaga. Inihatid naman ng Punumbayan ang kanyang taos-pusong pasasalamat para sa mga dumalo at nakiisa sa pagdiriwang at tiniyak na mas lalong pagagandahin ang selebrasyon sa susunod na taon.